پی ایس ایل:لاہورمیں سکولوں کے اوقاتِ کار تبدیل
لاہور(سپورٹس ڈیسک )پاکستان سپر لیگ کے دسویں ایڈیشن کے دوران لاہور کے کچھ سکولوں کے اوقاتِ کار تبدیل کر د یئے گئے ۔
محکمہ تعلیم پنجاب کی جانب سے جاری نوٹیفکیشن کے مطابق نئے اوقات کار کا اطلاق قذافی سٹیڈیم اور ملحقہ علاقوں میں قائم سکولوں پر ہو گا، نئے اوقات کا اطلاق گلبرگ، ماڈل ٹاؤن، اچھرہ، جیل روڈ اور فیروز پور روڈ کے سکولوں پر بھی ہو گا۔نوٹیفکیشن میں بتایا گیا ہے کہ نئے اوقات کار کا اطلاق شادمان، کینال روڈ، اپرمال، ظہور الٰہی روڈ کے سکولوں پر بھی ہو گا، ان مخصوص علاقوں میں سکول صبح 7 بجے سے 12 بجے تک کھلیں گے ۔نوٹیفکیشن میں پی ایس ایل کے میچز کا 28 مارچ سے 21اپریل تک کا شیڈول بھی جاری کیا گیا ہے ۔لاہور میں ہونے والے تمام پی ایس ایل میچز ڈے نائٹ ہوں گے اور شام 7 بجے شروع ہونگے ۔
روزنامہ دنیا ایپ انسٹال کریں
