برطانوی کمپنی کادنیا کا جدید بائیونک بازو بنانے کادعویٰ
لندن(نیٹ نیوز)برطانیہ کی اسٹارٹ اپ کمپنی نے دنیا کا پہلا وائرلیس بائیونک بازو بنایا ہے جو بازو پہننے والے سے علیحدہ رہ کر بھی کام کر سکتا ہے۔
برسٹل کی مقامی کمپنی اوپن بائیونکس کو اپنا جدید ہیرو بائیونک بازو بنانے میں چار سال کا عرصہ لگا، جس کے متعلق کمپنی کا دعویٰ ہے کہ یہ دنیا کا سب سے جدید روبوٹک بازو ہے ۔اوپن بائیونکس کی شریک بانی اور سی ای او سمانتھا پین نے بتایا کہ یہ موجودہ بائیونک ہاتھوں کے مقابلوں میں دُگنا تیز اور مضبوط ہے اور سب سے کم وزن ہے ۔ ساتھ ہی یہ پہلا بائیونک بازو ہے جو مکمل طور پر واٹر پروف اور وائر لیس ہے ۔2014 میں لانچ ہونے کے بعد سے اوپن بائیونکس کی مصنوعات سے 1000 سے زائد صارفین مستفید ہو رہے ہیں، جس میں تھری ڈی اسکیننگ اور تھری ڈی پرنٹنگ کا عمل میں لایا جانا شامل ہے ۔
روزنامہ دنیا ایپ انسٹال کریں
