کینسر کے خلیے گلیوبلاسٹوما مرض میں دماغی خلیوں کو ہائی جیک کرتے
نیویارک(نیٹ نیوز)گلیوبلاسٹوما جو کہ دماغی کینسر کی عام قسم ہے ، جارحانہ ہوتا ہے اور بار بار ہوسکتا ہے۔
اس میں مریض کے زندہ رہنے کی شرح 18 ماہ سے کم ہوتی ہے اور 10 سال تک زندہ رہنے کی شرح 0.71 فیصد ہے ۔اسی حوالے سے دو نیوروآنکالوجسٹ جنہوں نے اس سال کا برین پرائز حاصل کیا ، نے دریافت کیا کہ کینسر کے خلیے گلیوبلاسٹوما مرض میں دماغ کے اعصابی خلیوں کو ہائی جیک کرتے ہیں۔یہ دریافت ہیڈلبرگ یونیورسٹی کے فرینک وِنکلر اور سٹینفورڈ یونیورسٹی سے مشیل مونجے نے کی ہے ۔ یونیورسٹی آف شیفیلڈ کے ایک نیورو سرجن نے کہا کہ دماغی رسولی کا مرکز نسبتاً آسان ہوتا ہے ۔ جیسے ہی آپ ٹیومر کے بیچ میں پہنچتے ہیں، خلیات اتنی تیزی سے بڑھ رہے ہوتے ہیں کہ وہ کافی آکسیجن حاصل کرنے کی اپنی صلاحیت کھو دیتے ہیں لیکن یہ ‘بوسیدہ مرکز’صحت مند نیورانز سے گھرا ہوا ہوتا ہے جو اسکو حفاظت دے رہے ہوتے ہیں۔
