بلاسود قرضے :الخدمت کے تحت بدین میں آج تقریب
بدین (نمائندہ دنیا )الخدمت فاؤنڈیشن سندھ کے شعبہ اسلامک مائیکروفنانس کے تحت ضلع بدین کے 17 بے روزگار اور۔۔۔
مستحق افراد کو ایک لاکھ روپے فی کس بلاسود قرضہ فراہم کیا جائے گا، تاکہ وہ چھوٹے پیمانے پر باعزت روزگار کا آغاز کر سکیں۔ اس سلسلے میں آج (اتوار) بدین پریس کلب میں ایک باوقار تقریب منعقد کی جائے گی۔تقریب میں الخدمت اسلامک مائیکروفنانس کے ڈائریکٹر عبدالرحمن فدا مستحقین میں چیک تقسیم کریں گے ، جب کہ الخدمت کے ریجنل و ضلعی ذمے داران، پریس کلب کے صحافی اور مختلف سماجی و کاروباری شخصیات بھی شریک ہوں گی۔الخدمت فاؤنڈیشن کے مطابق ادارے کا مقصد معاشی طور پر کمزور اور محروم طبقے کو خود کفالت کی طرف گامزن کرنا ہے۔
روزنامہ دنیا ایپ انسٹال کریں
