مشرقِ وسطیٰ میں سپلائی کے خدشات کے باعث تیل کی قیمتوں میں اضافہ
لندن: (ویب ڈیسک) مشرقِ وسطیٰ میں اہم تیل پیدا کرنے والے خطے سے سپلائی متاثر ہونے اور عالمی سطح پر رسد میں کمی کے خدشات کے باعث تیل کی قیمتوں میں اضافہ ہوا ہے۔
برطانوی خبر ایجنسی کے مطابق ایران کے خلاف امریکی اور اسرائیلی جنگ کے معاملے پر تعطل برقرار رہنے کے خدشات نے تیل کی قیمتوں کو سہارا دیا۔
اکتوبر کی ترسیل کے لیے برینٹ خام تیل کے فی بیرل نرخ میں 26 سینٹ، یعنی 0.28 فیصد اضافہ ہوا اور یہ 91.87 ڈالر فی بیرل ہو گیا، یہ قیمت 0439 GMT تک کی ہے۔
دوسری جانب امریکی ویسٹ ٹیکساس انٹرمیڈیٹ خام تیل کے ستمبر کے معاہدے میں 17 سینٹ، یعنی 0.20 فیصد اضافہ ہوا اور قیمت 86 ڈالر فی بیرل رہی۔
زیادہ فعال اکتوبر کے ویسٹ ٹیکساس انٹرمیڈیٹ معاہدے میں 12 سینٹ، یعنی 0.13 فیصد اضافہ ہوا، جس کے بعد اس کی قیمت 89.91 ڈالر فی بیرل ہوگئی۔
Comments / رائے دیں
Share your thoughts. Comments are reviewed before they appear publicly.
Approved Comments