افغانستان کا ٹی 20 ورلڈکپ کیلئے سکواڈ کا اعلان
کابل: (دنیا نیوز) افغانستان نے ویسٹ انڈیز کے خلاف ٹی 20 سیریز اور آئی سی سی ٹی 20 ورلڈکپ کے لیے سکواڈ کا اعلان کردیا۔
تفصیلات کے مطابق افغانستان کرکٹ بورڈ کی نیشنل سلیکشن کمیٹی نے ویسٹ انڈیز کے خلاف آئندہ ٹی 20 انٹرنیشنل سیریز اور آئی سی سی مینز ٹی 20 ورلڈ کپ 2026 کے لیے 15 رکنی سکواڈ کا اعلان کیا ہے۔
ورلڈ کپ سے قبل افغان ٹیم ویسٹ انڈیز کے خلاف تین میچوں کی ٹی 20 سیریز کھیلے گی جو 19 سے 22 جنوری تک متحدہ عرب امارات میں افغانستان کی میزبانی میں ہوگی۔
اس سیریز اور ورلڈ کپ میں افغانستان کی قیادت راشد خان کریں گے، افغان سکواڈ میں آل راؤنڈر گلبدین نائب اور فاسٹ بولر نوین الحق کی واپسی ہوئی ہے۔
واضح رہے کہ ٹی 20 ورلڈکپ میں افغانستان پول ڈی میں شامل ہے اور اپنا پہلا میچ 8 فروری کو چنئی میں نیوزی لینڈ کے خلاف کھیلے گا۔
سکواڈ
راشد خان (کپتان)، ابراہیم زدران (نائب کپتان)، رحمان اللہ گرباز، محمد اسحاق، صدیق اللہ اتل، درویش رسولی، شاہد اللہ کمال، عظمت اللہ عمرزئی، گلبدین نائب، محمد نبی، نور احمد، مجیب الرحمان، نوین الحق، فضل حق فاروقی اور عبداللہ احمد زئی افغانستان کے سکواڈ کا حصہ ہیں۔
— Afghanistan Cricket Board (@ACBofficials) December 31, 2025
ریزروز
اے ایم غضنفر، اعجاز احمد زئی، ضیاءالرحمان شریفی ریزرو کھلاڑیوں میں شامل ہیں۔
