بالی وڈ اداکار آدتیہ پنچولی کا بعد ازموت جسم عطیہ کرنے کا اعلان
نئی دہلی :(دنیا نیوز) بالی وڈ کے معروف اداکار آدتیہ پنچولی نےاپنی موت کے بعد جسم طبی تحقیق کے لیے عطیہ کرنے کا اعلان کردیا۔
ان کا یہ فیصلہ صحت عامہ کی تعلیم اور ریسرچ کو سپورٹ فراہم کرنے کی ایک عظیم کوشش کے طور پر دیکھا جا رہا ہے۔
آدتیہ پنچولی نے اپنی اس نیک نیتی کی وضاحت کرتے ہوئے کہا، ہم اداکار اکثر پردے پر ہیرو کا کردار ادا کرتے ہیں، لیکن حقیقی ہیرو وہ ہوتا ہے جو معاشرے کو بہتر کرتا ہے، اپنے جسم کا عطیہ کرکے، میں دوسروں کو اس عمل کے لیے ترغیب دینا چاہتا ہوں جو حقیقی تبدیلی لا سکتا ہے، موت کے بعد بھی، میں دنیا کے لیے کچھ کرنے کی خواہش رکھتا ہوں۔
انہوں نے مزید کہا کہ وہ 13 دسمبر کو لائن گولڈ ایوارڈز میں اس فیصلے کا باضابطہ اعلان کریں گے۔
