کراچی میں ایس آئی یو کی کارروائی، منشیات فروش خاتون گرفتار
کراچی: (دنیا نیوز) سپیشل انویسٹی گیشن یونٹ (ایس آئی یو) نے کورنگی کے علاقے میں چھاپہ مار کر بین بین الصوبائی منشیات فروش گروہ کی خاتون ملزمہ گرفتار کرلی۔
ایس ایس پی ایس آئی یو عمران خان نے بتایا کہ خاتون ملزمہ سے 18 کلو 750 گرام چرس برآمد کر لی گئی، خاتون ملزمہ رمشا شہر میں بڑے پیمانے پر منشیات فروشی میں ملوث ہے، ملزمہ کا شوہر فرحان اور والد طارق بھی منشیات فروشی میں ملوث ہے۔
عمران خان نے بتایا کہ خاتون کا شوہر اور والد ماضی میں اینٹی نارکوٹکس فورس کے ہاتھوں گرفتار ہوچکے ہیں، منشیات کوئٹہ اور پنجگور سے شہر میں سمگل کی جاتی تھی ملزمہ کے خلاف ایس آئی یو میں مقدمہ درج کرلیا گیا ہے۔
ایس ایس پی ایس آئی یو کا مزید کہنا تھا کہ مزید تفتیش کا عمل جاری ہے، خاتون کے دیگر ساتھیوں کو بھی جلد پکڑ لیا جائے گا۔
