نیوز الرٹ
  • بریکنگ :- ایم کیوایم کی وزیراعلیٰ سندھ اورپولیس افسران کے خلاف مقدمےکی درخواست
  • بریکنگ :- کراچی: سول لائنزتھانےمیں محفوظ یار خان نے درخواست دی
  • بریکنگ :- دہشت گردی ایکٹ کے تحت مقدمہ درج کیاجائے،درخواست گزار
  • بریکنگ :- وزیراعلیٰ کی ہدایت پرپولیس اہلکاروں نےتشددکیا، درخواست
Coronavirus Updates

پی آئی اے کا ڈرائی لیز پر حاصل کیا گیا دوسرا طیارہ اسلام آباد پہنچ گیا

پاکستان

اسلام آباد: (دنیا نیوز) پاکستان انٹرنیشنل ایئر لائنز (پی آئی اے) کا حالیہ سال میں ڈرائی لیز پر حاصل کیا گیا دوسرا طیارہ اسلام آباد پہنچ گیا ہے۔ ایئربیس 320 طیارہ 6 سال کی لیز پر حاصل کیا گیا ہے۔

تفصیلات کے مطابق طیارہ فرانس کے شہر پرپیگنن براستہ مصر اسلام آباد پہنچا، اے 320 طیارہ آئندہ چند روز میں پی آئی اے کے فضائی بیڑے میں باضابطہ طور پر شامل کر ہو جائے گا۔ قومی ایئرلائن نے 3 ہفتے قبل بھی ڈرائی لیز پر طیارہ حاصل کیا تھا جو کہ آپریشن کا حصہ بن چکا ہے۔

موجودہ انتظامیہ کے دور میں یہ تیسرا طیارہ ہوگا جو کہ پی آئی اے کے بیڑے کا حصہ بنا۔ اس طیارے کی شمولیت سے پی آئی اے بیڑے میں ائیر بس 320 طیاروں کی مجموعی تعداد 11 ہوگئی۔

بزنس پلان کے مطابق مزید طیارے پی آئی اے کے بیڑے کا حصہ بنیں گے۔ طیاروں کے حصول میں تعاون کیلئے سی ای او پی آئی اے نے خصوصی طور پر وزیر ہوابازی اور وزارت خزانہ کا شکریہ ادا کیا ہے۔
 

Advertisement
روزنامہ دنیا ایپ انسٹال کریں