بیکری مصنوعات کی قیمتوں میں کمی کیلئے مالکان کو آج تک کی ڈیڈ لائن
لاہور: (ویب ڈیسک) پنجاب حکومت نے بیکری مصنوعات کی قیمتوں میں کمی کیلئے مالکان کو آج تک کی ڈیڈ لائن دے دی۔
محکمہ خوراک پنجاب کا کہنا ہے کہ صوبے میں آٹے اور فائن میدے کی قیمتوں میں 47 فیصد تک کمی ہو چکی ہے اسی تناسب سے آٹے اور میدے سے بنی بیکری آئٹمز کی قیمتوں میں بھی کمی آنی چاہیے۔
ذرائع کا بتانا ہے کہ آٹا اور فائن میدہ سستا ہو گیا مگر بیکری آئٹمز میں ایک روپے کی بھی کمی نہیں ہوئی، بڑی ڈبل روٹی 70 سے 90 روپے سستی ہونی چاہیے جبکہ کیک رسک، بسکٹ، بن اور کیک کی قیمتیں بھی بہت زیادہ لی جا رہی ہیں۔
ذرائع کے مطابق حکومت کی جانب سے بیکری مالکان کو قیمتوں میں کمی کیلئے آج تک کی ڈیڈ لائن دیتے ہوئے کہا گیا ہے کہ ڈیڈ لائن گزرنے کے بعد بلا امتیاز کارروائیوں کا آغاز ہو گا۔
