گوجرانوالہ میں مبینہ پولیس مقابلہ، 2 ڈاکو ہلاک
گوجرانوالہ: (دنیا نیوز) گوجرانوالہ کے تھانہ اروپ کے علاقہ علی پور چوک میں مبینہ پولیس مقابلے میں 2 ڈاکو مارے گئے۔
پولیس حکام کے مطابق پولیس نے چار مشکوک موٹرسائیکل سواروں کو روکنے کی کوشش کی تو انہوں نے پولیس پر اندھا دھند فائرنگ شروع کر دی، دو طرفہ فائرنگ کے تبادلے میں دو ڈاکو اپنے ہی ساتھیوں کی فائرنگ سے ہلاک ہوگئے۔
پولیس حکام نے مزید بتایا کہ مارے گئے ڈاکوؤں نے دوران ڈکیتی 2 شہریوں کو قتل کیا تھا، مارے گئے ڈاکوؤں کی لاشوں کو ہسپتال منتقل کر دیا گیا، ڈاکوؤں کے ساتھیوں کو پکڑنے کیلئے کارروائی شروع کردی گئی۔
