امریکی اداکار ’جان کراسنسکی‘ 2024 کے پرکشش مرد قرار
نیویارک: ( ویب ڈیسک) امریکی میگزین نے سال 2024 کے پرکشش مرد کا اعلان کر دیا، امریکی اداکار جان کراسنسکی سرفہرست آگئے۔
غیر ملکی میڈیا رپورٹس کے مطابق امریکا کے معروف میگرین People magazine’ نے امریکی اداکار جان کراسنسکی کو 2024 کا پرکشش مرد قرار دیا ہے، اس سال کے پرکشش مرد کے ٹائٹل کا اعلان گزشتہ رات دی لیٹ شو وِد اسٹیفن کولبرٹ کے دوران کیا گیا۔
45 سالہ جان کراسنسکی People magazine’ کی جانب سے 2024 کے پرکشش مرد کا اعزاز حاصل کرنے پر خوش ہونے کے ساتھ تھوڑے حیران بھی ہوئے۔
جان کراسنسکی اداکاری کرنے کے ساتھ ہدایتکار بھی ہیں۔انہوں نے برطانوی اداکارہ ایملی بلنٹ سے شادی کی اور جوڑے کے 2 بچے ہیں۔
واضح رہے کہ گزشتہ سال امریکی اداکار پیٹرک ڈیمپسی نے یہ اعزاز حاصل کیا تھا جبکہ بریڈ پِٹ اور مائیکل جارڈن بھی دنیا کے پرکشش مرد قرار دیے جاچکے ہیں۔
