سانحہ گل پلازہ: وزیر اعلیٰ مراد علی شاہ کی سربراہی میں سب کمیٹی قائم
کراچی: (دنیا نیوز) سانحہ گل پلازہ کیلئے وزیراعلیٰ مراد علی شاہ کی سربراہی میں سب کمیٹی قائم کر دی گئی۔
سب کمیٹی میں شرجیل میمن، ناصر شاہ، سعید غنی اور ضیا الحسن لنجار شامل ہیں، سب کمیٹی کمشنر کراچی کی سربراہی میں قائم انکوائری کمیٹی کی رپورٹ کا جائزہ لے گی، اس کے بعد مزید کارروائی اور لائحہ عمل کا فیصلہ ہوگا۔
واضح رہے کہ سندھ کابینہ نے سانحہ گل پلازہ کے متاثرین کیلئے معاوضے کی منظوری بھی دے دی ہے، شہدا کے اہلخانہ کو ایک ایک کروڑ روپے دینے کا فیصلہ کیا گیا ہے۔
وزیراعلیٰ سندھ کا کہنا تھا کہ متاثرین کو ہر ممکن ریلیف فراہم کریں گے، متاثرہ دکانداروں کو پانچ پانچ لاکھ روپے کچن اور یوٹیلیٹی اخراجات کے لئے کمشنر کے ذریعے ادا کئے جا رہے ہیں، متاثرہ دکانداروں کو دو ماہ کے اندر کاروبار شروع کرنے کیلئے دکان کی سہولت فراہم کی جائے گی۔
