چین کے مقامی ساختہ C919 طیارے کی پہلی بین الاقوامی پرواز مکمل
بیجنگ: (ویب ڈیسک) چین کے مقامی طور پر تیار کردہ بڑے مسافر طیارے C919 نے اپنی پہلی بین الاقوامی تجارتی پرواز مکمل کرتے ہوئے منگولیا کے دارالحکومت اولان باتر میں بحفاظت لینڈنگ کی۔
عالمی میڈیا کی رپورٹ کے مطابق بیجنگ سے روانہ ہونے والی پرواز کی اولان باتر آمد کے ساتھ ہی C919 کے لئے پہلی بین الاقوامی تجارتی فضائی روٹ کا آغاز ہوگیا ہے۔
C919 طیارے کے تجارتی آپریشن میں شامل ہونے کے بعد یہ اس کی پہلی بین الاقوامی تجارتی پرواز ہے، جو چین کی مقامی طیارہ سازی کی صنعت کے لیے ایک اہم پیش رفت قرار دی جارہی ہے، یہ طیارہ چینی کمپنی کمرشل ایئر کرافٹ کارپوریشن آف چائنا نے تیار کیا ہے۔
دو انجن والے اس طیارے کی لمبائی 127.6 فٹ، پروں کی چوڑائی 117.5 فٹ، طیارے کی اونچائی 39.32 فٹ، طیارے کی کیبن کی چوڑائی 12.8 فٹ، کیبن کی اونچائی 7.38 فٹ، مسافروں کی گنجائش 156 سے 192 تک ہے۔
یہ طیارہ ایک بار ایندھن بھرنے کے بعد چار ہزار سے ساڑھے پانچ ہزار کلومیٹر تک پرواز کر سکتا ہے، طیارہ زیادہ سے زیادہ 20 ہزار 400 کلو گرام وزن لے جا سکتا ہے۔
Comments / رائے دیں
Share your thoughts. Comments are reviewed before they appear publicly.
Approved Comments