ارجنٹینا کے گول کیپر نے طویل ترین فاصلے سے گول کرنے کا ریکارڈ بنا ڈالا
بیونس آئرس (ویب ڈیسک) ارجنٹینا سے تعلق رکھنے والے گول کیپر نے ایک لیگ میچ میں ممکنہ طور پر طویل ترین فاصلے سے گول کرنے کا عالمی ریکارڈ قائم کر دیا ہے۔
چلی کی لیگ ٹیم میں شامل گول کیپر لینارڈو ریکویانا نے گزشتہ دنوں مخالف ٹیم کے خلاف میچ کے 77 ویں منٹ میں ایک گول کک ماری جو بظاہر عام سی تھی، مگر مخالف ٹیم کے گول کیپر برائن کورٹس اس وقت پنالٹی ایریا سے باہر کھڑے تھے اور بال اچھل کر ان کے سر کے اوپر سے گزر کر گول میں چلی گئی۔
غیر ملکی میڈیا کے مطابق یہ گول 101 میٹر کے فاصلے سے کیا گیا ،اس وقت گنیز ورلڈ ریکارڈز میں یہ ریکارڈ 96.01 میٹر سے کیے گئے گول کے نام ہے جو 2021 میں برطانیہ میں ایک کھلاڑی ٹام کنگ نے بنایا تھا۔
El primer gol arco a arco del #CampeonatoBetsson
— TNT Sports Chile (@TNTSportsCL) March 18, 2023
Así fue la anotación de Leandro Requena desde su propia puerta y que dejó a Brayan Cortés quieto, provocando el error del portero albo en el #CSLvsCCxTNTSports. pic.twitter.com/HDL2K22QnS
لینارڈو ریکویانا نے ایک انٹرویو کے دوران بتایا کہ انہوں نے کلب منیجر سے کہا ہے کہ گنیز ورلڈ ریکارڈز سے رابطہ کریں اور ابھی ہم یہ جاننا چاہتے ہیں کہ فاصلے کی تصدیق کیسے کی جائے۔
گول کیپر کا کہنا تھا کہ وہ گیند کو پیچھے کھڑے 2 کھلاڑیوں کو دینا چاہتے تھے مگر وہ مخالف گول کیپر کو پیچھے چھوڑ کو گول پوسٹ میں چلی گئی۔
