پاکستانی سرباز خان نے کوہ پیمائی میں نیا باب رقم کردیا
سکردو:(ویب ڈیسک) ہنزہ سے تعلق رکھنے والے پاکستانی کوہ پیما سرباز خان نے ایک منفرد کارنامہ انجام دے کر ملک و قوم کا نام روشن کردیا ہے۔
غیر معمولی حوصلے اور جذبے کے مالک سرباز خان آٹھ ہزار میٹر سے بلند دنیا کی تمام 14 چوٹیاں سر کرنے والے پہلے پاکستانی بن گئے۔
سرباز خان نے چین میں 8027 میٹر بلند شیشا پینگما چوٹی سر کرکے یہ اعزاز اپنے نام کیا، سرباز خان ماؤنٹ ایورسٹ، کے ٹو اور دیگر خطرناک چوٹیاں بھی سر کرچکے ہیں۔
یاد رہے کہ ہنزہ کے خطے ہی سے تعلق رکھنے والے کوہ پیما مراد سدپارہ نے چند روز کے وقفے سے دو مرتبہ نانگا پربت سر کرکے ریکارڈ قائم کیا تھا۔
واضح رہے مراد سدپارہ نے بغیر مصنوعی آکسیجن کے 8126 میٹر بلند چوٹی سر کی اور اس پر سبز ہلالی پرچم بھی لہرایا، مراد سدپارہ کا تعلق سکردو کے گاؤں سدپارہ سے تھا، مراد سدپارہ کی کامیابی قوم کے لیے ایک بڑا اعزاز تھی، ایک حادثے میں ان کی موت نے قوم کو سوگوار کردیا تھا۔
