میچ کے وقفے میں عمران خان کے بیٹوں کا انٹرویو نشر، پاکستان کرکٹ بورڈ کا احتجاج
لندن: (ویب ڈیسک) لندن کے لارڈز میدان میں پاکستان اور انگلینڈ کے پہلے ٹیسٹ کے پہلے دن انگلش براڈ کاسٹرز نے کھانے کے وقفے پر سابق کپتان عمران خان کے بیٹوں کا انٹر ویو نشرکردیا۔
اس پر پاکستان کرکٹ بورڈ (پی سی بی) نے باضابطہ طور پر احتجاج ریکارڈ کرایا ہے۔
برطانوی اخبار کے مطابق پی سی بی نے سکائی سپورٹس کیخلاف انگلش بورڈ سے باضابطہ شکایت کی ہے۔
اطلاعات کے مطابق پی سی بی نے اس نشریات کے خلاف احتجاجاً وقفے کے بعد پاکستانی ٹیم کو میدان میں نہ اتارنے کے آپشن پر بھی غور کیا تھا، کچھ دیر مؤخر کرنے کے بعد انٹرویو نشر کردیا گیا۔
یہ انٹرویو انگلینڈ کے سابق کپتان اور اسکائی سپورٹس کے موجودہ براڈکاسٹر مائیک ایتھرٹن نے لیا تھا، جس میں سابق کپتان عمران خان کے بیٹوں سلیمان اور قاسم خان نے اپنے والد کی صحت کے بارے میں خدشات کا اظہار کیا۔
دوسری جانب پاکستان کرکٹ بورڈ (پی سی بی) نے اس معاملےپر کوئی بیان نہیں دیا۔
Comments / رائے دیں
Share your thoughts. Comments are reviewed before they appear publicly.
Approved Comments