سپریم کورٹ: موسم سرما کی تعطیلات میں فوری نوعیت کے کیسز سنے جائیں گے

اسلام آباد: (دنیا نیوز) سپریم کورٹ نے موسم سرما کی چھٹیوں کا نوٹیفکیشن جاری کر دیا۔

نوٹیفکیشن کے مطابق سپریم کورٹ میں موسم سرما کی تعطیلات 18 دسمبر سے یکم جنوری تک ہوں گی تاہم تعطیلات کے دوران اہم کیسز کی سماعت ہو گی۔

نوٹیفکیشن میں بتایا گیا ہے کہ سپریم کورٹ میں موسم سرما کی تعطیلات میں دفاتر کھلے رہیں گے۔

سپریم کورٹ کے نوٹیفکیشن میں یہ بھی کہا گیا ہے کہ تعطیلات کے دوران کمیٹی کے مقرر کردہ کیسز کی بھی سماعت ہو سکے گی۔

Advertisement
روزنامہ دنیا ایپ انسٹال کریں