دعا ہے اللہ تعالیٰ قربانیوں کے صدقے امتِ مسلمہ کی ہر مشکل ٹال دے: مریم نواز
لاہور: (دنیا نیوز) وزیراعلیٰ پنجاب مریم نواز نے کہا ہے کہ دعا ہے اللہ تعالیٰ کروڑوں قربانیوں کے صدقے امتِ مسلمہ کی ہر مشکل ٹال دے۔
عیدالاضحیٰ کی کے موقع پر مبارکباد دیتے ہوئے مریم نواز کا کہنا تھا کہ اہلِ وطن کو عیدِ قرباں کی ڈھیروں مبارک باد، اللہ تعالیٰ حضرت ابراہیمؑ کی سنت پر کی گئی قربانیاں قبول فرمائے۔
انہوں نے کہا کہ عیدالاضحیٰ حضرت ابراہیم ؑ اور حضرت اسماعیل ؑ کی تسلیم و رضا کی یادگار ہے، قربانی کا مقصد مسلمانوں میں ایثار و قربانی کا جذبہ پیدا کرنا ہے، دعا ہے ارضِ پاک کے ہر فرد کو سکھ، سکون، عافیت اور صحت عطا ہو۔
وزیراعلیٰ پنجاب کا مزید کہنا تھا کہ اللہ کریم غزہ کے ہر فلسطینی کی حفاظت اور فلسطین کو پائیدار امن عطا فرمائے، دعا ہے اللہ تعالیٰ کشمیر سمیت دنیا کے ہر مظلوم کی مدد اور حفاظت فرمائے۔
