بابا گرونانک کے جنم دن کی تقریبات: سکھوں کا کرتارپور میں قیام، مذہبی رسومات ادا کیں
نارووال: (دنیا نیوز) کرتار پور میں بابا گرو نانک کے 555 ویں جنم دن کی تقریبات کے موقع پر بھارت سے آئے سکھ یاتریوں نے کرتار پور میں قیام کیا۔
سکھ یاتری دربار بابا گرونانک میں اپنی مذہبی رسومات کی ادائیگی میں مصروف رہے، سکھ یاتری دو روز کرتار پور میں ہی قیام کریں گے، کرتارپور میں انٹرنیشنل کبڈی میلے کا انعقاد کیا گیا، ہزاروں بھارتی شائقین مرد و خواتین نے میچ دیکھا۔
کبڈی میچ بندیشہ کلب نے جیت لیا، صوبائی وزرا شافع حسین، بلال اکبر اور رمیش اروڑہ نے بھی میچ دیکھا، جیتنے والے کھلاڑیوں کو انعامات دیئے گئے، سکھ یاتریوں نے پاکستانی حکومت کے انتظامات کی تعریف کی۔
