وزیراعظم سے برطانوی قومی سلامتی کے مشیر جوناتھن پاول کی ملاقات
اسلام آباد: (دنیا نیوز) وزیراعظم شہباز شریف سے برطانوی قومی سلامتی کے مشیر جوناتھن پاول نے ملاقات کی ہے۔
وزیراعظم آفس کے اعلامیے کے مطابق دوران ملاقات شہباز شریف نے برطانیہ کے ساتھ مضبوط، مثبت اور مستقبل پر مبنی تعلقات کو مزید فروغ دینے کے عزم کا اعادہ کیا، وزیراعظم نے اپنے برطانوی ہم منصب سر کیئر سٹارمر کیلئے نیک تمناؤں کا اظہار بھی کیا۔
— Prime Minister s Office (@PakPMO) May 20, 2026
دوران ملاقات جوناتھن پاول نے علاقائی سفارت کاری میں پاکستان کے تعمیری کردار اور خطے میں مذاکرات کے فروغ کی کوششوں کو سراہا، برطانوی قومی سلامتی کے مشیر نے پاکستان کی خطے میں جاری کشیدگی میں کمی کیلئے کوششوں کی بھی تعریف کی۔
انہوں نے کہا کہ برطانوی حکومت سلامتی، تجارت، سرمایہ کاری میں تعاون بڑھانے کی خواہاں ہے، برطانوی حکومت ترقیاتی شعبوں میں دوطرفہ تعاون کو مزید وسعت دینے میں بھی گہری دلچسپی رکھتی ہے۔
