میٹا کا فیس بک اور انسٹا گرام کے درمیان میسجنگ فیچر ختم کرنے کا فیصلہ

کیلی فورنیا: ( ویب ڈیسک ) فیس بک اور انسٹاگرام کی پیرنٹ کمپنی میٹا نے دونوں ایپس کے درمیان میسجنگ فیچر کو ختم کرنے کا فیصلہ کیا ہے۔

میٹا نے 2020ء میں کراس ایپ میسجنگ فیچر متعارف کرواتے ہوئے کہا تھا کہ انسٹا گرام، واٹس ایپ اور فیس بک میسنجر کو اکٹھا کر دیا جائے گا تاکہ صارفین کسی ایک پلیٹ فارم سے دیگر ایپس کے صارفین سے بات کر سکیں۔

اس کی آزمائش انسٹاگرام اور میسنجر میں کراس میسجنگ فیچر کے ذریعے کی گئی تاہم اب اچانک کمپنی کی جانب سے اسے ختم کرنے کا فیصلہ کیا گیا ہے، اس حوالے سے انسٹا گرام ہیلپ سینٹر پیج پر صارفین کو آگاہ کیا گیا کہ کراس میسجنگ فیچر دسمبر 2023ء کے وسط میں ختم ہو جائے گا۔

تاہم کمپنی کی جانب سے تاحال یہ نہیں بتایا گیا کہ اس فیصلے پیچھے وجہ کیا ہے، تاہم 9 ٹو 5 گوگل کی ایک رپورٹ میں انکشاف کیا گیا ہے کہ ایسا ممکنہ طور پر یورپی یونین کے ڈیجیٹل مارکیٹ ایکٹ (ڈی ایم اے) کی وجہ سے کیا گیا ہے۔

Advertisement
روزنامہ دنیا ایپ انسٹال کریں