ایران کی جوہری عدم پھیلاؤ سے متعلق ذمہ داریوں کی خلاف ورزی، معاملہ سلامتی کونسل میں جائے گا
ویانا: (دنیا نیوز) انٹرنیشنل اٹامک انرجی ایجنسی نے 20 برس میں پہلی بار ایران کی جانب سے جوہری عدم پھیلاؤ سے متعلق ذمہ داریوں کی خلاف ورزی پر معاملہ اقوام متحدہ کی سلامتی کونسل کو بھیجنے کی قرارداد منظور کر لی ہے۔
یہ قرارداد گزشتہ سال 12 جون کو منظور کردہ ایک دوسری قرارداد کے بعد لائی گئی تھی، اس قرارداد میں ایران کو ان ذمہ داریوں کی ’عدم تعمیل‘ کا مرتکب قرار دیا گیا تھا، ایران کے خلاف یہ معاملہ سلامتی کونسل میں اٹھانے کیلئے اس قرارداد کی منظوری درکار تھی۔
امریکا، برطانیہ، فرانس اور جرمنی کی جانب سے پیش کی گئی اس قرارداد کے حق میں 23 ووٹ پڑے جبکہ 3 ارکان نے مخالفت کی اور 8 نے رائے شماری میں حصہ نہیں لیا، مخالفت کرنے والے ممالک روس، چین اور نائیجر تھے۔
عدم تعمیل کا یہ تعین امریکا اور ایران کے درمیان جنگ سے پہلے کا ہے، اس کا تعلق ایران کی جانب سے ان غیر اعلانیہ مقامات پر پائے جانے والے یورینیم کی وضاحت نہ کرنے سے ہے جن کی ایجنسی نے کئی برس تک تحقیقات کی تھیں۔
تاہم اب ایک نیا تنازع بھی موجود ہے، جو اُن مقامات تک رسائی کے حوالے سے ہے جن پر اسرائیل اور امریکا نے بمباری کی تھی۔
Comments / رائے دیں
Share your thoughts. Comments are reviewed before they appear publicly.
Approved Comments