آج کا پکوان:وائٹ چکن کڑاہی
اجزا:چکن :آدھا کلو،پیاز :3 عدد،لہسن کا پیسٹ : آدھا چائے کا چمچ،ادرک :ایک انچ کا ٹکڑا باریک کٹا ہوا،ہری مرچ: باریک کٹی ہوئی: 3 ، 4 عدد،پسی کالی مرچ: آدھا چائے کا چمچ،پسا ہوا گرم مصالحہ: آدھا چائے کا چمچ،ہرا دھنیا باریک کٹا ہوا: تھوڑا سا، فریش کریم : 6چمچ،نمک:آدھا چائے کا چمچ،کوکنگ آئل : 4 چمچ۔
ترکیب:کڑاہی میں آئل گرم کرکے چکن اور نمک ڈال کر اچھی طرح مکس کر کے 5 منٹ تک ڈھانپ کر پکائیں۔اب پیاز ، لہسن ،کالی مرچ، شامل کرکے مزید 15 منٹ پکانے کے بعد ہری مرچیں ڈال کر بھونیں تاکہ مرچوں کا ذائقہ چکن میں بس جائے۔جب چکن آئل چھوڑ دے تو اس میں فریش کریم ڈال کر 2 منٹ پکائیں اور آخر میں ادرک ڈال کر 2 منٹ کیلئے دم پر رکھ کر اتار لیں۔اس ڈش میں پانی با لکل استعمال نہیں کرنا۔
کریلے گوشت
اجزا: کریلے :آدھا کلو،گوشت :آدھا کلو،پیاز :ایک پاؤ،ٹماٹر: 3عدد،لہسن: 6جوئے،نمک، مرچ: حسب ذائقہ،گھی: آدھا کپ، ہلدی:ایک چمچ،ادرک:چھوٹا ٹکڑا۔
ترکیب: کریلے چھیلیں بیج نکال کر چھوٹے چھوٹے ٹکڑے کر لیں۔ ان میں نمک لگا کر آدھے گھنٹے تک پڑا رکھ دیں۔ لہسن، پیاز، ادرک اور گوشت کو گھی میں ڈال کر درمیانی آنچ پر بھونیں تھوڑا سا پانی ڈالیں تاکہ گوشت اچھی طرح گل جائے 15منٹ کے بعد برتن کو آگ سے اتار لیں۔کریلوں کو پانی سے دھو لیں۔ گھی میں تل کر گوشت والے برتن میں ڈال دیں اور برتن کو ہلکی آنچ پر چولہے پر رکھ دیں۔ 15منٹ کے بعد برتن کو چولہے سے اتار لیں۔
سویاں
اجزا: سویاں:1 پیکٹ،چینی125 گرام، گھی:1 کپ،الائچی پاؤڈر: 1 چائے کا چمچ، پانی:1 کپ، بادام، پستہ: کٹے ہوئے گارنش کیلئے۔
ترکیب: دیگچی میں گھی گرم کرلیں۔ الائچی پاؤڈر ڈال کر خوشبو آنے تک بھونیں۔اب سویاں ڈال کر بھون لیں۔اب تھوڑا سا پانی شامل کرکے مکس کریں کہ سویاں نرم ہوجائیں۔چینی شامل کرکے مکس کرلیں۔بچا ہوا پانی شامل کرکے مکس کریں اور ڈھکن ڈھانک کر 5 منٹ کے لیے پکائیں۔
