آج کا پکوان:بیف نہاری
اجزا:بیٖف:دو کلو، گرم مصالحہ پاؤڈر: دو چمچ، سرخ مرچ پاؤڈر: تین چمچ، دھنیا پاؤڈر: دو کھانے کے چمچ،ادرک ڈیڑھ کھانے کا چمچ،لہسن :ڈیڑھ کھانے کا چمچ،
ہلدی پاؤڈر: ڈیڑھ چمچ،آٹا :چھ کھانے کے چمچ،پیاز:دوعدد درمیانی سائز کے کٹے ہوئے، نہاری مصالحہ: (ان اجزا کو باریک پیس لیں) ،پپلی :دو عدد،ثابت دھنیا:ڈھائی کھانے کے چمچ ،جاوتری پاؤڈر:آدھا چائے کا چمچ ،تیز پات: دو عدد، دارچینی: دو ٹکڑے،بڑی الائچی :چار عدد،لونگ: 10 عدد،چھوٹی الائچی: 10عدد، زیرہ:ایک چمچ،کالی مرچ:ایک کھانے کا چمچ، سونف: چار چمچ،بادیان کے پھول: دو عدد، تیل:ایک کپ،نمک: حسب ذائقہ۔ گارنش کیلئے:تازہ دھنیا، تازہ ہری مرچ، ادرک، لیموں، تلی ہوئی پیاز۔
ترکیب:تیل گرم کریں اور چند منٹ تک تیزآنچ پر گوشت کی بھنائی کریں۔گوشت میں نہاری مصالحہ کے علاوہ مصالحہ کے سبھی اجزا شامل کریں اور گوشت میں صحیح طریقے سے جذب ہونے تک تیز آنچ پر پکائیں۔گوشت میں 10 گلاس پانی شامل کریں،چار گلاس پانی میں آٹا حل کریں اور گوشت میں شامل کریں اور تیز آنچ پر پکائیں۔ابلتے ہوئے اجزا میں نہاری مصالحہ شامل کریں اور نہاری کو تین سے چار گھنٹے تک دھیمی آنچ پر پکنے دیں۔کٹی ہوئی پیاز کو سنہری ہونے تک فرائی کریں، نہاری میں شامل کریں اور مزید 15 سے 20 منٹ تک پکائیں،دھنیا، لیموں، ہری مرچ، ادرک چھڑک کر گرما گرم نان کے ساتھ پیش کریں۔
بریڈ حلوہ
اجزا:بریڈ سلائس: چار عدد، دودھ: آدھا کپ، بادام، پستہ، اخروٹ، کشمش حسب ضرورت، چینی حسب ذائقہ، انڈے: دو عدد، گھی:آدھا کپ۔
ترکیب:بریڈ سلائس کے کنارے الگ کرکے ہاتھ سے چورا کر لیں۔ایک پین میں گھی گرم کرکے سلائس کے چورے کو گولڈن براؤن ہونے تک فرائی کریں۔پھر اس میں دودھ اور چینی شامل کرلیں جب دودھ خشک ہو جائے تو بالائی شامل کریں۔گھی نظر آنے پر انڈوں کو الگ کسی برتن میں پھینٹ کر تھوڑے سے گھی میں فرائی کرکے حلوے میں شامل کر دیں ساتھ خشک میوے ڈال کر اچھی طرح بھون لیں۔
