16سال سے غائب بلی ملنے پر مالک خوشی سے نہال
لندن(نیٹ نیوز)برطانیہ میں ہرٹفورڈ شائر کی ایک پالتو بلی جو 16 برس قبل غائب ہوگئی تھی اس کے اچانک مل جانے پر اس کا مالک کارل پلن خوشی سے نہال ہے۔۔۔
ہرٹفورڈ شائر میں قیام کے دوران 2009 میں کارل پلن کی سن شائن نامی بلی گھر سے نکلنے کے بعد پھر واپس نہیں آئی تھی ۔اس عرصہ کے دوران برطانیہ کے سات وزرائے اعظم تبدیل ہوئے ، مانچسٹر سٹی نے آٹھ مرتبہ پریمئیر ٹائٹل جیتے اور پرنس چارلس بادشاہ بن گئے ، لیکن مسٹر پلن جو اب ایسسیکس میں رہتے ہیں انکی بلی واپس نہ آئی۔تاہم انہیں پیر کے روز جانور کے ڈاکٹر کی کال موصول ہوئی کہ ہمیں ایک سن شائن نامی بلی ملی ہے ۔مسٹر پلن نے کہاکہ سن شائن کا وزن اب دو کلو ہے اور اس کی عمر 19 برس ہوچکی ہے ، اسے اچھی ریٹائرمنٹ کی زندگی ضرور ملے گی ۔
روزنامہ دنیا ایپ انسٹال کریں
