سٹاک مارکیٹ میں زبردست تیزی، ہنڈرڈ انڈیکس میں 1646 پوائنٹس کا اضافہ
لاہور: (دنیا نیوز) پاکستان سٹاک ایکسچینج مثبت رجحان کے باعث ایک بار پھر تاریخی بلندیوں کو چھو گئی۔
کاروباری ہفتے کے چوتھے روز کاروبار کے آغاز پر سٹاک مارکیٹ میں زبردست تیزی ریکارڈ کی گئی، ٹریڈنگ کے دوران 1800 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 72 ہزار 047 پوائنٹس کی بلند ترین سطح پر پہنچ گیا۔
تاہم کاروباری روز کے اختتام پر ہنڈرڈ انڈیکس 1646 پوائنٹس اضافے کیساتھ ایک لاکھ 71 ہزار 960 پوائنٹس کی سطح پر بند ہوا۔
جن اہم شعبوں میں بھرپور خریداری دیکھی گئی ان میں سیمنٹ، کمرشل بینکس، تیل و گیس تلاش کرنے والی کمپنیاں، آئل مارکیٹنگ کمپنیاں (او ایم سیز)، بجلی پیدا کرنے والے ادارے اور ریفائنری شامل ہیں، اے آر ایل، حبکو، پی ایس او، ایس این جی پی ایل، ایس ایس جی سی، ماری، ایم ای بی، ایم ای بی ایل اور این بی پی مثبت زون میں دکھائی دیئے۔
واضح رہے کہ گزشتہ کاروباری دن کے اختتام پر انڈیکس 133 پوائنٹس کی کمی کیساتھ ایک لاکھ 70 ہزار 313 پوائنٹس کی سطح پر بند ہوا تھا۔
