کراچی میں پونزی سکیم کے ذریعے منظم نیٹ ورک چلانے والے غیر ملکی گرفتار
کراچی: (دنیا نیوز) این سی سی آئی اے اور حساس اداروں نے کراچی کے علاقے ڈی ایچ اے فیز 6 اتحاد اور ڈی ایچ اے فیز 1 میں مشترکہ کامیاب کارروائی کرتے ہوئے غیر ملکی شہریوں کو حراست میں لے لیا۔
حکام کے مطابق کارروائی کے دوران ملزمان سے اہم اور حساس نوعیت کا ڈیٹا حاصل کیا گیا ہے، جس کی بنیاد پر نیٹ ورک کے خلاف مزید قانونی کارروائیاں عمل میں لائی جائیں گی۔
ابتدائی تحقیقات کے مطابق گرفتار افراد پونزی سکیم کے ذریعے ایک منظم اور وسیع نیٹ ورک چلا رہے تھے، جس کے نتیجے میں ہزاروں افراد متاثر ہوئے اور انہیں شدید مالی نقصان کا سامنا کرنا پڑا۔
حکام کا کہنا ہے کہ تفتیش کا دائرہ مزید وسیع کیا جا رہا ہے جبکہ نیٹ ورک سے منسلک دیگر افراد کی گرفتاری کے لیے بھی کارروائیاں جاری ہیں۔
