اوباڑو میں مسافر کوچ پر حملے، اغوا اور پولیس مقابلے کا مقدمہ درج
اوباڑو: (دنیا نیوز) مسافر کوچ پر حملے اغوا اور پولیس مقابلے کا مقدمہ کھمبڑا تھانہ میں درج کر لیا گیا۔
پولیس ترجمان کے مطابق واقعے کا مقدمہ سرکار کی مدعیت میں 22 نامزد اور 4 نامعلوم ملزمان کے خلاف درج کیا گیا ہے، مقدمے میں اغوا، ڈکیتی، پولیس مقابلہ سمیت دہشت گردی کی دفعات شامل کی گئی ہیں۔
حکام کا کہنا ہے کہ مقدمے میں لولائی، اندھڑ، چانڈیہ، سُکھانی، میرانی اور بکرانی گینگ شامل ہے۔
پولیس حکام کے مطابق 3 روز قبل ڈاکوؤں نے صادق آباد سے کوئٹہ جانے والی مسافر کوچ پر حملہ کیا تھا، جس سے دس سے زائد مسافروں کو اغوا کیا تھا، حملے دو افراد زخمی ایک مسافر دل کا دورہ پڑنے جاں بحق ہوا تھا۔
پولیس کا کہنا ہے کہ پولیس اور رینجرز کا مشترکہ آپریشن تیسرے روز بھی جاری ہے۔
