لاہور اور ملتان ایئر پورٹ پر دھند سے پروازوں کا شیڈول متاثر
لاہور: (دنیا نیوز) علامہ اقبال انٹرنیشنل ایئرپورٹ لاہور اور ملتان ایئر پورٹ پر دھند سے پروازوں کا شیڈول متاثر ہورہا ہے۔
اندرون اور بیرون ممالک جانے والی 25 سے زائد پروازیں تاخیر کا شکار ہیں، پی آئی اے سمیت نجی ایئر لائنز، امارات، سعودی، ترکیہ کی پروازیں بھی متاثر ہوئی ہیں۔
ملتان ایئرپورٹ پر حد نگاہ کم ہونے سے پروازوں کی آمد و روانگی میں پانچ سے چھ گھنٹے کی تاخیر ہے، علامہ اقبال انٹرنیشنل ایئرپورٹ لاہور پر ایک سے تین گھنٹے کی تاخیر ہوئی۔
لاہور ایئر رپورٹ انتظامیہ نے مسافروں کو ایئرپورٹ آنے سے قبل پرواز کے بارے میں مکمل معلومات لیکر آنے کی ہدایت کر دی۔
