سونے اور چاندی کی قیمتوں میں دوسرے روز بھی اضافہ
کراچی :(دنیا نیوز) سونے اور چاندی کی قیمت میں دوسرے روز بھی تیزی کا رجحان دیکھا گیا۔
آل صرافہ ایسوسی ایشن کےمطابق عالمی و مقامی گولڈ مارکیٹس میں قیمت میں پھربڑا اضافہ دیکھنے میں آیا، 24کیرٹ فی تولہ سونا 3700روپےبڑھ کر 4 لاکھ73ہزار 262 روپے کا ہو گیا، دس گرام سونے کے بھاو 3172 روپے کے اضافے سے 405745روپے ہو گئے۔
واضح رہے گزشتہ روز 24 قیراط کے حامل فی تولہ سونے کی قیمت بھی 3400 روپے کے اضافے 4 لاکھ 69 ہزار 562 روپے تک پہنچ گئی تھی جب کہ فی 10 گرام سونے کی قیمت 2915 روپے بڑھ کر 4 لاکھ 2 ہزار 573 روپے ہوگئی تھی۔
دوسری جانب چاندی کی فی تولہ قیمت 270 روپے بڑھ کر 8465 روپے ہو گئی،عالمی منڈی میں فی اونس سونا 37 ڈالر مہنگا ہو کر فی 4509 ڈالر کا ہو گیا۔
