سٹاک مارکیٹ میں کاروبار مندی کا شکار، 100 انڈیکس 346 پوائنٹس گر گیا
کراچی: (دنیا نیوز) پاکستان سٹاک ایکسچینج میں ہفتے کے آخری کاروباری روز ٹریڈنگ کا اختتام منفی رجحان پر ہوا، جہاں سرمایہ کاروں کی محتاط حکمت عملی کے باعث مارکیٹ دباؤ کا شکار رہی۔
کاروبار کے اختتام پر کے ایس ای 100 انڈیکس 346 پوائنٹس کی کمی کے بعد ایک لاکھ 81 ہزار 430 پوائنٹس کی سطح پر بند ہوا۔
دورانِ ٹریڈنگ انڈیکس کی بلند ترین سطح ایک لاکھ 81 ہزار 647 پوائنٹس جبکہ کم ترین سطح ایک لاکھ 80 ہزار 620 پوائنٹس ریکارڈ کی گئی۔
مارکیٹ میں مجموعی طور پر 563 کمپنیوں کے حصص کا کاروبار ہوا، جن میں سے 207 کمپنیوں کے شیئرز کی قیمت میں اضافہ جبکہ 260 کمپنیوں کے حصص کی قیمت میں کمی ریکارڈ کی گئی، جبکہ باقی کمپنیوں کے شیئرز کی قیمتیں مستحکم رہیں۔
مزید برآں کاروباری حجم کے لحاظ سے پاکستان سٹاک ایکسچینج میں 34 ارب روپے مالیت کے 71 کروڑ شیئرز کا لین دین ہوا، جو سرمایہ کاروں کی مسلسل سرگرمی کی عکاسی کرتا ہے، تاہم مجموعی طور پر مارکیٹ کا اختتام منفی زون میں ہوا۔
Comments / رائے دیں
Share your thoughts. Comments are reviewed before they appear publicly.
Approved Comments