بابراعظم، کوہلی اور سٹیو سمتھ موجودہ دور کے 'عظیم کھلاڑی' قرار
لاہور: (دنیا نیوز) قومی کرکٹ ٹیم کے سابق مینٹور میتھیو ہیڈن نے کپتان بابراعظم، سٹیو سمتھ اور ویرات کوہلی کو موجودہ دور کے عظیم کھلاڑی قرار دیا ہے۔
آئی سی سی ٹیسٹ چیمپئن شپ فائنل کے میچ کے دوران سوال کیا گیا کہ آسٹریلیا کو ہندوستان پر کیا فائدہ ہوسکتا ہے؟، جس پر سابق آسٹریلوی کرکٹر میتھیو ہیڈن نے بورڈ پر رنز بنانے کی اہمیت پر روشنی ڈالتے ہوئے سٹیو سمتھ، ویرات کوہلی، اور بابراعظم کی بلے بازی کی صلاحیتوں کی تعریف کی۔
میتھیو ہیڈن نے کہا کہ تینوں بلے باز میرے لیے جدید دور کے عظیم کھلاڑی ہیں۔
But someone from twitter dot com told me that he’s not a generational talent and is finished pic.twitter.com/eBpnfOsch8
— Daud (@CleanBowled562) June 7, 2023
انہوں نے کہا کہ سمتھ کو اپنے غیر روایتی لیکن موثر بیٹنگ سٹائل کی وجہ سے شہرت حاصل ہے، انہوں نے مسلسل رنز بنائے اور مخالف گیند بازوں کو پریشر میں لائے۔
اسی طرح بابراعظم بین الاقوامی کرکٹ کے سب سے پرجوش بلے بازوں میں سے ایک بن گئے ہیں، اس کا خوبصورت سٹروک پلے، ٹائمنگ، اور لمبی اننگز کھیلنے کی صلاحیت نے اسے مقبول بنایا ہے، بابر کے متاثر کن اعداد و شمار اور مسلسل کارکردگی نے دنیا کے سرفہرست بلے بازوں میں ان کا مقام مضبوط کر دیا ہے۔
سابق بھارتی کپتان ویرات کوہلی کے حوالے سے انکا کہنا تھا کہ وہ ایک دہائی سے زیادہ عرصے تک عالمی کرکٹ میں صف اول کے بلے باز رہے، کوہلی کو دور حاضر کی کرکٹ کے بہترین بلے بازوں میں شمار کیا جاتا ہے۔
