یوگنڈا نے ٹی 20 ورلڈ کپ کیلئے کوالیفائی کرکے تاریخ رقم کردی
ونڈہوک : (دنیا نیوز) افریقی ملک یوگنڈا کی کرکٹ ٹیم نے تاریخ رقم کرتے ہوئے آئی سی سی ٹی 20 ورلڈ کپ 2024 کےلیے کوالیفائی کرلیا۔
نمیبیا کے دارالحکومت ونڈہوک میں ورلڈ کپ کوالیفائر افریقہ کے گروپ میچ میں روانڈا کی ٹیم پہلے بیٹنگ کرتے ہوئے 65 رنز پر آل آؤٹ ہوگئی، ایرک ڈوسنگیزیمانا 19 رنز بنا کر ٹاپ سکورر رہے۔
— ICC (@ICC) November 30, 2023
یوگنڈا کی ٹیم نے 66 رنز کا ہدف 1 وکٹ کے نقصان پر 9ویں اوور میں پورا کرکے ٹی 20 ورلڈ کپ 2024 کیلئے کوالیفائی کرلیا،آئی سی سی کے مطابق یوگنڈا کی ٹیم ورلڈ کپ کھیلنے والی پانچویں افریقی ٹیم بن جائے گی۔
— Uganda Cricket Association (@CricketUganda) November 30, 2023
واضح رہے کہ یوگنڈا کی روانڈا کے خلاف کامیابی کے بعد زمبابوے کی ٹیم ٹی ٹوئنٹی ورلڈ کپ 2024 کیلئے کوالیفائی کرنے میں ناکام ہوگئی، زمبابوے کو میگا ایونٹ میں کوالیفائی کرنے کےلیے یوگنڈا کی شکست کی ضرورت تھی۔
