انڈر 19 ویمنز سکلز کیمپ کا آج سے کراچی میں آغاز ہوگا
کراچی: (ویب ڈیسک) انڈر 19 ویمنز سکلز کیمپ کا آج (منگل) سے کراچی میں آغاز ہوگا۔
انڈر 19 سکلز کیمپ میں 32 کھلاڑی حصہ لیں گی، ان کھلاڑیوں کا انتخاب حالیہ قومی انڈر19 ویمنز ٹی ٹوئنٹی کرکٹ ٹورنامنٹ کی پرفارمنس کی بنیاد پر کیا گیا ہے۔
کیمپ مستقبل قریب کے دو ہائی پروفائل کرکٹ ٹورنامنٹس کے لئے مدد گار ثابت ہوگا، پاکستان ویمنز انڈر 19 ٹیم، انڈر 19 ویمنز ایشیا کپ اور آئی سی سی ویمنز انڈر 19 کرکٹ ورلڈ کپ میں حصہ لے گی جو بالترتیب دسمبر 2024ء اور جنوری 2025ء میں ملائیشیا میں ہوں گے۔
