چیمپئنز ٹرافی معاملہ: پاکستان بی سی سی آئی یا آئی سی سی کے جواب کا منتظر
لاہور: (دنیا نیوز) آئی سی سی چیمپئنز ٹرافی کے انعقاد کا معاملہ، پی سی بی کو بی سی سی آئی یا آئی سی سی سے تاحال جواب نہیں ملا۔
ذرائع کے مطابق پاکستان کرکٹ بورڈ تنازعہ کے طویل المعیادی حل کیلئے پارٹنرشپ فارمولا پیش کرچکا ہے، بی سی سی آئی کی جانب سے تاحال اس فارمولے پر کوئی حتمی جواب نہیں ملا ہے۔
ذرائع کا کہنا ہے کہ پی سی بی کے بھارتی ہٹ دھرمی پر جوابی فارمولے نے بی سی سی آئی کو پریشان کردیا ہے، بھاررتی کرکٹ بورڈ اپنی حکومت سے مشاورت کے بعد ہی پی سی بی کے فارمولے پر جواب دے گا۔
دوسری جانب بھارتی میڈیا میں بی سی سی آئی کے جانب سے پاکستانی فارمولے کو رد کرنے کی خبریں گردش کررہی ہیں۔
