روہت شرما اور کوہلی کی سینٹرل کنٹریکٹ میں تنزلی کا امکان
ممبئی: (دنیا نیوز) انڈین کرکٹ ٹیم کے سابق کپتانوں روہت شرما اور ویرات کوہلی کی سینٹرل کنٹریکٹ میں تنزلی کا امکان ہے۔
بھارتی میڈیا کے مطابق صرف ون ڈے میچز کھیلنے کی وجہ سے روہت شرما اور ویرات کوہلی کے معاوضوں میں کٹوتی ہو سکتی ہے، بھارتی کرکٹ بورڈ چار کیٹیگریز میں ایلیٹ کرکٹرز کو سینٹرل کنٹریکٹس دیتا ہے۔
بھارتی بورڈ نے اپریل 2025 میں کھلاڑیوں کو سینٹرل کنٹریکٹ دیے، کوہلی اور روہت کو اگلے سرکل میں کٹوتی کا سامنا کرنا پڑے گا، روہت شرما اور ویرات کوہلی اے پلس کیٹیگری برقرار نہیں رکھ سکیں گے، اے پلس کیٹیگری برقرار نہ رکھنے کی وجہ صرف ایک فارمیٹ کھیلنا ہے۔
بھارتی میڈیا رپورٹ کے مطابق ایک فارمیٹ کی وجہ سے دونوں کرکٹرز کے میچز کی تعداد بہت کم ہے، اے پلس کیٹیگری میں کرکٹرز کو 7 کروڑ بھارتی روپے ملتے ہیں۔
دونوں کرکٹرز کے اے کیٹیگری میں جانے کی صورت میں انہیں پانچ کروڑ روپے بھارتی سالانہ ملیں گے، روہت شرما اور ویرات کوہلی کے سینٹرل کنٹریکٹ میں دو کروڑ بھارتی روپے کی کٹوتی ہو جائے گی۔
