چارسدہ: گھریلو ناچاقی پر شوہر کی فائرنگ سے بیوی اور 16 سالہ بیٹا جاں بحق
چارسدہ: (دنیا نیوز) چارسدہ میں گھریلو ناچاقی پر شوہر نے بیوی اور بیٹے کو موت کے گھاٹ اتار دیا۔
پولیس کے مطابق فائرنگ کا افسوسناک واقعہ چارسدہ کے علاقے شبقدر میں پیش آیا جہاں شوہر نے گھریلو ناچاقی پر بیوی اور اپنے 16 سالہ بیٹے پر فائرنگ کردی، فائرنگ کے نتیجے میں ملزم کی بیوی ، 16 سالہ بیٹا جاں بحق ہو گیا اور 8 سالہ بیٹی زخمی ہو گئی جبکہ ملزم فرار ہو گیا۔
حکام نے بتایا ہے کہ زخمی بچی اور لاشوں کو تحصیل ہیڈ کوارٹر ہسپتال شبقدر منتقل کردیا گیا جبکہ فائرنگ کے ملزم کے خلاف مقدمہ درج کرلیا گیا اور اس کی تلاش جاری ہے۔
