کراچی میں مبینہ پولیس مقابلہ: ایک ڈاکو گرفتار، ساتھی فرار
کراچی: (دنیا نیوز) کراچی میں مبینہ پولیس مقابلے کے دوران ایک ڈاکو کو گرفتار کر لیا گیا جبکہ اس کا ساتھی فرار ہونے میں کامیاب ہوگیا۔
پولیس حکام نے بتایاکہ نارتھ کراچی سیکٹر 3 یو فور سٹاپ کے قریب مقابلے کے دوران ایک ڈاکو گرفتار کیا گیا جس کی شناخت وامق عرف قریشی کے نام سے کی گئی اور اس کے قبضے سے 30 بور پستول، لوڈ میگزین، موبائل فون اور سرجانی ٹاؤن سے چوری کی گئی موٹر سائیکل برآمد کر لی گئی۔
مقابلے کے دوران دوسرا ساتھی موقع سے فرار ہونے میں کامیاب ہوگیا جس کی شناخت بلال کے نام سے کی گئی اور اس کی گرفتاری کے لئے پولیس چھاپے مار رہی ہے۔
