رواں مالی سال ایئرپورٹس پر 30 کروڑ سے زائد مالیت کا سونا، چاندی ضبط
اسلام آباد: (دنیا نیوز) پاکستان کسٹمز نے رواں مالی سال ایئرپورٹس پر 30 کروڑ 60 لاکھ روپے سے زائد مالیت کا سونا اور چاندی ضبط کرلیا۔
ایف بی آر کے مطابق رواں سال کے 5 ماہ کے دوران پاکستان کسٹمز نے ملک بھر کے بین الاقوامی ایئر پورٹس پر 2.73 کلوگرام سونا اور 359 کلوگرام چاندی ضبط کی گئی۔
چاندی کی سمگلنگ کے واقعات میں نمایاں اضافہ دیکھا گیا ہے، چاندی کی درآمدات اسٹیٹ بینک آف پاکستان اور وزارتِ تجارت کے قواعد و ضوابط کے تحت ہوتی ہیں۔
مارکیٹ جائزوں کے مطابق چاندی کی قیمت میں گزشتہ 10 ماہ کے دوران دو گنا سے زیادہ اضافہ ہوا ہے، قیمتوں میں تیز اضافے کی وجہ سے ملک میں چاندی کی سمگلنگ کا رحجان بڑھا ہے۔
