ایف آئی اے نے انسانی سمگلنگ میں ملوث منظم گینگ کا اہم ملزم گرفتار کر لیا
اسلام آباد: (دنیا نیوز) فیڈرل انویسٹی گیشن ایجنسی (ایف آئی اے) اینٹی ہیومن ٹریفکنگ سرکل اسلام آباد نے کارروائی کرتے ہوئے انسانی سمگلنگ میں ملوث منظم گینگ کا اہم ملزم گرفتار کر لیا۔
ترجمان ایف آئی اے کےم طابق ملزم اسرار احمد کو شیخوپورہ سے گرفتار کیا گیا، ملزم شہریوں کو سمندر کے غیر قانونی راستے سے یورپ بھجوانے میں ملوث ہے۔
ابتدائی تفتیش کے مطابق ملزم عمرہ ویزے کے ذریعے شہریوں کو سعودی عرب اور بعدازاں لیبیا بھجواتا تھا۔
گرفتار ملزم لیبیا سے غیر قانونی سمندری راستے سے شہریوں کو یورپ بھجوانے میں ملوث ہے، ملزم کے خلاف کارروائی اسلام آباد ایئرپورٹ پر آف لوڈ ہونے والے مسافروں کی نشاندہی پر عمل میں لائی گئی۔
حکام کا کہنا ہے کہ ملزم کو گرفتار کر کے تفتیش کا آغاز کر دیا گیا، دیگر ملزمان کی گرفتاری کیلئے چھاپہ مار کارروائیاں جاری ہیں۔
