عرس بابا فرید گنج شکرؒ کی تقریبات کا آخری مرحلہ، آخری بہشتی دروازے کی قفل کشائی
پاکپتن: (دنیا نیوز) حضرت بابا فرید الدین گنج شکرؒ کے 781 ویں عرس کی تقریبات کا آخری مرحلہ شروع ہو گیا، آخری بہشتی دروازے کی قفل کشائی کی گئی۔
ڈپٹی کمشنر امتیاز کھچی اور ڈی پی او طارق ولایت نے دروازہ کھولنے کی سعادت حاصل کی، اذان فجر کے وقت بہشتی دروازہ ایک سال کے لیے بند کر دیا جائے گا۔
درگاہ کو عرق گلاب سے غسل دیا اور مزار میں صندل بھرا جائے گا، 10 محرم کو رسومات کے بعد نوری دروازہ شہداء کربلا کے سوگ میں 40 روز کے لیے بند کیا جائے گا، جس کے ساتھ ہی عرس کی 15 روزہ تقریبات اختتام پذیر ہوجائیں گی۔
چیف جسٹس لاہور ہائی کورٹ امیر حسین بھٹی نے دربار حضرت بابا فرید الدین گنج شکرؒ پر حاضری دی، بہشتی دروازہ سے گزرنے کی سعادت حاصل کی۔
چیف جسٹس لاہور ہائیکورٹ نے امن وامان، ملکی سلامتی، ترقی و خوشحالی کے لئے دعا کی، محکمہ اوقاف حکام اور ضلعی افسران نے چیف جسٹس کا استقبال کیا، اس موقع پر سکیورٹی کے سخت انتظامات کیے گئے تھے۔
