اماراتی خلا باز کی یوم آزادی پر مبارکباد، خلا سے اسلام آباد کی تصویر شیئر کردی
اسلام آباد: (ویب ڈیسک) اماراتی خلا باز نے پاکستانیوں کو یوم آزادی کی مبارکباد دینے کیلئے خلا سے لی گئی اسلام آباد کی تصویر شیئر کردی۔
اماراتی عوام ہر اچھے برے وقت میں اپنے پاکستانی بھائیوں کے ساتھ رہی ہے، اس سال 76ویں یومِ آزادی کے موقع پر اماراتی عوام نے پاکستانی عوام کی خوشیوں میں بھرپور شرکت کی۔
اماراتی خلاباز سلطان النیادی نے 400 کلومیٹر کی بلندی سے جشن آزادی میں شرکت کی، اماراتی خلاباز نے پاکستانی عوام کو ٹوئٹر پر مبارکباد دیتے ہوئے پاکستان کے دارلحکومت اسلام آباد کی تصویر شیئر کی۔
— Sultan AlNeyadi (@Astro_Alneyadi) August 14, 2023
اسلام آباد کی تصویر بین الاقوامی خلائی سٹیشن سے لی گئی ،اماراتی خلاباز نے تمام پاکستانیوں بشمول متحدہ عرب امارات میں رہائش پذیر پاکستانیوں کو بھی مبارک دی۔
سلطان النیادی کا کہنا تھا کہ "ہم صدیوں سے ساتھ رہ رہے ہیں اور ہم نے ایک دوسرے کی ثقافت سے بہت کچھ سیکھا"، ڈاکٹر النیادی اپنے 6 ماہ سے جاری سفر کو مکمل کر کے وطن واپس پہنچ رہے ہیں۔
