مسلم لیگ ن کے پارلیمانی بورڈ کے اجلاس کا شیڈول تبدیل
لاہور: (دنیا نیوز) پاکستان مسلم لیگ ن کے پارلیمانی بورڈ کے اجلاس کے شیڈول میں تبدیلی کر دی گئی۔
مسلم لیگ ن کے پارلیمانی بورڈ کے اجلاس میں تبدیلی نواز شریف کے 7 دسمبر کو اسلام آباد عدالت میں کیس کی سماعت کی وجہ سے کی گئی۔
نئے شیڈول کے مطابق پارلیمانی بورڈ کا دوسرا اجلاس کل 3 دسمبر کے بجائے 4 دسمبر کو منعقد کیا جائے گا، 4 دسمبر کو راولپنڈی ڈویژن کے امیدواروں کے انٹرویو کیے جائیں گے۔
5 دسمبر کو خیبر پختونخوا کے ہنزہ اور مالاکنڈ ڈویژن کے امیدواروں کے انٹرویو کیے جائیں گے، 6 دسمبر کو بلوچستان کے امیدواروں کے انٹرویو کیے جائیں گے جبکہ 7 دسمبر کو مسلم لیگ ن کے قائد نواز شریف اسلام آباد عدالت کی سماعت کے لیے پیش ہوں گے۔
