عام انتخابات میں ناکامی: سراج الحق جماعت اسلامی کی امارت سے مستعفی

لاہور: (دنیا نیوز) امیر جماعت اسلامی سراج الحق نے عام انتخابات میں ناکامی پر جماعت اسلامی کی امارت سے استعفی دے دیا۔

ترجمان جماعت اسلامی کے مطابق سراج الحق نے کہا کہ بھرپو کوشش اور محنت کے باوجود انتخابات میں مطلوبہ کامیابی نہیں دلا سکا، انتخابات میں ناکامی کو قبول کرتے ہوئے جماعت اسلامی کی امارت سے استعفی دیتا ہوں۔

انہوں نے کہا کہ کارکنوں نے بے انتہا محنت کی ہے، اللہ تعالیٰ ان کی محنت کو قبول فرمائے۔

سراج الحق کے استعفیٰ کے بعد سیکرٹری جنرل جماعت اسلامی امیر العظیم نے شوریٰ کا اجلاس 17 فروری کو منصورہ میں طلب کر لیا، شوریٰ کے اجلاس کا آغاز منصورہ میں 10 بجے ہو گا جس میں استعفیٰ کے بعد کی صورت حال کا جائزہ لیا جائے گا۔

Advertisement
روزنامہ دنیا ایپ انسٹال کریں