پیرس اولمپکس میں شامل پرکشش خواتین کھلاڑی، ہرایک کی توجہ کا مرکز
فرانس : (ویب ڈیسک ) پیرس اولمپکس میں پرکشش خواتین اپنی کامیابی اور خوبصورتی کی وجہ سے توجہ حاصل کر رہی ہیں۔
ایلس شمِٹ
دنیا کی سب سے پرکشش ایتھلیٹ 25 سالہ ایلس شمِٹ اپنے پہلے اولمپک گیمز میں حصہ لے رہی ہیں، وہ جرمنی کے لیے 400 ضرب 4 میٹر کی دوڑ میں حصہ لیں گی۔
اگرچہ یہ ان کی پہلی اولمپک شرکت ہے لیکن خوبصورت سنہرے بالوں والی ایلس شمِٹ پہلے ہی دنیا بھر کے شائقین ان کے دلدادہ ہیں ۔
ایلس شمِٹ کی خوبصورتی اسے دنیا کی مقبول ترین خواتین کھلاڑیوں میں سے ایک بناتی ہے، ان کے انسٹاگرام پر 5 ملین سے زیادہ فالوورز ہیں، گزشتہ برس شمِٹ نے میلان فیشن ویک کے دوران ایک بڑے فیشن شو میں واک کی تھی۔
مولی کاؤڈری
برطانیہ کی 24 سالہ ’’پول والٹر‘‘ مولی کاؤڈری کے بارے میں امید کی جارہی ہے کہ وہ اولمپک پیرس 2024 میں سونے کا تمغہ جیت جائیں گی۔
گزشتہ مارچ ورلڈ ان ڈور ایتھلیٹکس چیمپئن شپ میں عالمی چیمپئن بننے میں کامیاب ہونے کے بعدسب کی نظریں ان پر ہیں ۔
یولیا لیوچینکو
ہائی جمپر یولیا لیوچینکو کا شمار بھی ان خواتین کھلاڑیوں میں ہوتا ہے جنہوں نے سوشل میڈیا پر پوسٹ کی جانے والی تصاویر سے توجہ حاصل کی ہے۔
26 سالہ یولیا لیوچینکو کے انسٹا گرام فالوورز کی تعداد 4 لاکھ 62 ہزار ہے، وہ اکثر دنیا بھر میں اپنی تربیتی مہم جوئی کے علاوہ اپنا انداز بھی شیئر کرتی رہتی ہیں، لیو چینکو تیسری مرتبہ یوکرین کی نمائندگی کرنے والی ہیں۔
انہوں نے ریو 2016 میں ڈیبیو کیا تھا، ٹوکیو 2020 میں وہ آٹھویں نمبر پر رہیں جبکہ انہوں نے دو مواقع پر یورپی انڈر 23 چیمپئن شپ بھی اپنے نام کررکھی ہے ۔
الیشا نیومین
کینیڈا سے تعلق رکھنے والی الیشا نیومین کی عمر 30 سال ہے اور وہ بھی پول والٹر ہیں، انہوں نے حال ہی میں لندن میں ڈائمنڈ لیگ چیمپئن شپ میں دوسری پوزیشن حاصل کی ہے
الیشا نے 2016 اور 2020 میں اولمپک گیمز میں حصہ لیا لیکن کوئی تمغہ نہیں جیت سکیں۔
یانا اِ گوری
30 سالہ فینسنگ سٹار یانا اِگوری کو اولمپک کی سب سے خوبصورت ایتھلیٹ قرار دیا گیا ہے۔
روسی سٹار اپنے زبردست ایتھلیٹک ٹیلنٹ اور دلفریب تصاویر کی وجہ سے انٹرنیٹ پر چھاچکی ہیں ، 2016 کے اولمپکس میں انہوں نے خواتین کے انفرادی فینسنگ ایونٹ اور ٹیم ایونٹ دونوں میں سونے کے تمغے جیتے تھے۔
اِگوری نے 2021 میں دیرینہ حریفوں صوفیہ ویلیکایا اور اولگا کھرلان کو شکست دے کر طلائی تمغہ جیتا تھا۔
لکی کلاویر
نیدر لینڈز کی 25 سالہ لکی کلاویر رنر ہیں اور انہیں ایلس شمٹ کے تخت کا دعویدار سمجھا جاتا ہے، انہوں نے ٹوکیو 2020 میں حصہ لیا تھا۔
اگرچہ اس میں انہوں نے کوئی تمغہ نہیں جیتا تھا لیکن 400 ضرب 4 میٹر ریلے میں ان کا تجربہ پیرس اولمپکس میں اچھا کام کرے گا۔
یولیا ایفیمووا
چھ بار کی عالمی چیمپیئن روسی تیراک ایک متنازع شخصیت ہیں ، ان کے حریف انہیں "دھوکہ باز" قرار دیتے ہیں، 32 سالہ ایفیمووا پر 2013 میں منشیات کے ٹیسٹ میں ناکامی کے بعد 16 ماہ کے لیے پابندی عائد کر دی گئی تھی۔
2016 میں انہوں نے 100 میٹر بریسٹ سٹروک میں چاندی کا تمغہ جیتا تھا۔
