بنگلادیش: عبوری حکومت کا 15 اگست کی چھٹی ختم کرنے کا اعلان
![](https://img.dunyanews.tv/news/2024/August/08-13-24/news_big_images/830596_28627755.jpg)
ڈھاکا: (ویب ڈیسک) بنگلادیش کی عبوری حکومت نے ملک میں 15 اگست کی چھٹی ختم کرنے کا اعلان کردیا۔
بنگلادیشی میڈیا کے مطابق 15 اگست 1975 کو ہونے والے شیخ مجیب الرحمان کے قتل پر ہر سال 15 اگست کو ملک میں یومِ سوگ منایا جاتا ہے۔
منسٹری آف پبلک ایڈمنسٹریشن کے اہلکاروں نے تصدیق کی ہے کہ 15 اگست کی چھٹی منسوخ کیے جانے کا نوٹیفکیشن تیار کرلیا گیا ہے۔
اس سے قبل بنگلادیش کی عبوری حکومت میں داخلہ امور کے وزیر بریگیڈئیر (ر) سخاوت حسین کا کہنا تھا 15 اگست کو امن و امان برقرار رکھنے کے لیے پولیس تعینات کی جائے گی۔