بھارت میں مسافر بس کھائی میں گرنے سے 36 مسافر ہلاک
نئی دہلی: (ویب ڈیسک) بھارتی ریاست اترا کھنڈ میں مسافر بس کھائی میں گرنے سے کم از کم 36 مسافر ہلاک ہو گئے۔
میڈیا رپورٹ کے مطابق یہ حادثہ پہاڑی علاقہ مارچولا میں پیش آیا، ریاست اتراکھنڈ کے سینئر حکومتی اہلکار نے بتایا کہ حادثے میں اب تک 36 اموات کی تصدیق ہوئی ہے جبکہ تین زخمیوں کو ہیلی کاپٹر کے ذریعے ہسپتال منتقل کیا گیا ہے۔
انہوں نے بتایا کہ مسافر بس اتراکھنڈ کے شمالی علاقے گڑھوال سے رام نگر جارہی تھی اس دوران حادثے کا شکار ہو گئی، بسں میں 42 مسافر سوار تھے۔
حادثے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو نکال کر ہسپتال منتقل کیا۔
