×

پاکستان

چیئرمین پیپلز پارٹی بلاول بھٹو سے وزیراعلیٰ سندھ و پارٹی رہنماؤں کی ملاقاتیں

بند کریں

کراچی: (دنیا نیوز) چیئرمین پاکستان پیپلز پارٹی بلاول بھٹو زرداری سے وزیر اعلیٰ سندھ مراد علی شاہ سمیت پارٹی رہنماؤں نے ملاقاتیں کیں۔

بلاول بھٹو زرداری سے وزیراعلیٰ سندھ مراد علی شاہ، سید ناصر حسین شاہ کی ملاقات ہوئی، ملاقات میں شرجیل میمن، مرتضیٰ وہاب اور قاسم نوید قمر بھی شامل تھے، اس موقع پر بلاول بھٹو کو سندھ کے مختلف شہروں میں جاری ترقیاتی منصوبوں پر بریفنگ دی گئی۔

بلاول بھٹو سے رکن سندھ اسمبلی شیراز راجپر نے ملاقات کی، ملاقات میں خیرپور کے عوام کو درپیش مسائل اور ان کے حل پر بریفنگ دی گئی۔

چیئرمین پاکستان پیپلز پارٹی سے سکھر کے میئر ارسلان شیخ کی ملاقات ہوئی، ملاقات کے دوران سکھر میں ترقیاتی منصوبوں سمیت مختلف امور پر بریفنگ دی گئی۔

بلاول بھٹو زرداری سے سندھ اسمبلی کے سپیکر اویس شاہ نے بلاول ہاؤس میں ملاقات کی، اس موقع پر سندھ اسمبلی سے متعلق مختلف امور پر بات چیت ہوئی۔

قبل ازیں پاکستان پیپلز پارٹی کے چیئرمین بلاول بھٹو زرداری سے سندھ کے سابق وزیراعلیٰ سید قائم علی شاہ نے بھی بلاول ہاؤس میں ملاقات کی، اس موقع پر صوبے کی سیاسی صورت حال پر تبادلہ خیال کیا گیا۔