کراچی میں جان لیوا ٹریفک حادثات: گورنر سندھ کا چیف جسٹس کو خط، نوٹس لینے کی اپیل
کراچی: (دنیا نیوز) کراچی میں جان لیوا ٹریفک حادثات کے باعث گورنر سندھ کامران ٹیسوری نے چیف جسٹس آف پاکستان کو خط لکھ دیا۔
گورنر سندھ کامران ٹیسوری نے چیف جسٹس سے واقعات پر نوٹس لینے کی اپیل کر دی، کامران ٹیسوری نے لکھا کہ کراچی میں ڈمپر اور ٹینکرز کے حادثات میں خطرناک حد تک اضافہ انتہائی تشویشناک ہے۔
گورنر سندھ نے خط میں لکھا کہ 24 مارچ کو ملیر ہالٹ پر دلخراش واقعہ پیش آیا، حادثے میں والدین اور نوزائیدہ بچہ جاں بحق ہوگئے، سابق چیف جسٹس سندھ اور سندھ ہائیکورٹ کے قائم مقام چیف جسٹس کو ٹریفک حادثات پر پہلے ہی خط لکھ چکا ہوں۔
